Drejtoria e Përgjithshme e Burgjeve, nën udhëheqjen e Drejtorit të Përgjithshëm, Adriatik Kupi, ka realizuar transferimin e të dënuarit me burgim të përjetshëm, me inicialet M.P., nga burgu i Peqinit në atë të Burrelit.
Ky transferim është kryer për arsye sigurie, siç është njoftuar nga autoritetet.
Gjatë kontrollit të rreptë të ushtruar në burgun e Burrelit, është gjetur një qese e dyshuar si lëndë narkotike, e fshehur nga i dënuari në një çorape.
Pas kësaj, janë informuar menjëherë drejtuesit e burgut dhe Shërbimi i Kontrollit të Brendshëm të Burgjeve. Materiali është dorëzuar tek Komisariati i Policisë Burrel, i cili ka nisur procedurat për ekspertizën dhe hetimet përkatëse.
