Më shumë se 1.300 punonjës të Departamentit Amerikan të Shtetit do të largohen nga detyra si pjesë e një riorganizimi të ndërmarrë nga administrata e Presidentit Donald Trump.
Vendimi përfshin 1.107 punonjës civilë dhe 246 diplomatë, të cilët fillimisht do të kalojnë në leje administrative për 120 ditë përpara shkarkimit përfundimtar.
Administrata thotë se kjo masë synon efikasitet dhe përqendrim në prioritetet diplomatike, ndërsa kritikët paralajmërojnë për pasoja serioze në ndikimin ndërkombëtar të SHBA dhe aftësinë e saj për të përballuar kriza globale.
