Pasditen e sotme një turist turk 37-vjeçar është ndjerë keq gjatë kohës që ka qenë duke notuar në Ksamil. Turisti i identifikuar si Ismail Yavuz Koz është dërguar me urgjencë drejt Tiranës me helikopter.
Bashkëshortja e tij ka deklaruar se 37-vjeçari ka pasur probleme shëndetësore edhe më herët.
Në fillim turisti është transportuar me ambulancë drejt spitalit të Sarandës, ku ka marrë ndihmën e parë mjekësore. Më pas për shkak të gjendjes së rëndë, është nisur drejt Tiranës.
