Në fund të këtij muaji, Serbia dhe Kina do të zhvillojnë për herë të parë një stërvitje ushtarake të përbashkët, të quajtur “Paqeruajtësit 2025”.
Stërvitja, që do të mbahet në provincën Hebei të Kinës, do të përfshijë forcat speciale të të dyja vendeve.
Kina e konfirmoi lajmin përmes një deklarate të Ministrisë së Mbrojtjes, e cila theksoi se kjo është një mundësi për të forcuar aftësitë luftarake dhe bashkëpunimin mes dy ushtrive.
Serbia, e cila ka lidhje të ngushta me Kinën, është duke balancuar aspiratat për anëtarësim në BE me marrëdhëniet strategjike me vende si Kina dhe Rusia.
