Ministri i Drejtësisë, Ulsi Manja ditën e sotme ishte në zonën e Mëzezit në Tiranë. Manja tha se në këtë zonë do të ndërtohet institucioni i ri modern i specializuar për edukimin dhe rehabilitimin e të miturve në konflikt me ligjin.
Ai theksoi se këtu të miturit do të shkollohen njësoj si bashkëmoshatarët e tyre si dhe do diplomohen.
“Do jetë dhe një institut edhe të miturit që kanë kryer vepër penale, por nuk kanë mbushur moshën për vepër penale. Është e vetmja e llojit të vet në rajon, në Europë e ka vetëm Franca. Ky është një instituti ku të miturit do vijnë të shkollohen njëlloj si bashkëmoshatarët e tyre dhe do diplomohen dhe do jenë gati për t’iu dhënë shoqërisë.”, tha Manja.
