Një automjet është përfshirë nga flakët këtë të shtunë në autostradën Durrës–Tiranë, duke u djegur thuajse plotësisht.
Fatmirësisht, drejtuesi i mjetit ka arritur të dalë në kohë dhe nuk ka pësuar lëndime.
Në vendngjarje kanë ndërhyrë menjëherë shërbimet zjarrfikëse, të cilat kanë bërë të mundur shuarjen e flakëve dhe vendosjen e situatës nën kontroll.
Si pasojë e ngjarjes, automjeti është shkatërruar pothuajse tërësisht.
Ndërkohë, policia rrugore ka ndërprerë përkohësisht qarkullimin në një nga korsitë e autostradës, për të shmangur çdo rrezik të mundshëm dhe për të lehtësuar ndërhyrjen në vendin e ngjarjes.
