Një tjetër valë sulmesh ajrore nga Rusia goditi Ukrainën gjatë natës së 19 korrikut, ku Odesa dhe qytete të tjera u vunë në shënjestër të raketave dhe dronëve. Sipas autoriteteve ukrainase, një grua humbi jetën dhe të paktën gjashtë persona – mes tyre një fëmijë – mbetën të plagosur në Odesë, pas goditjes së një ndërtese banimi.
Në total, rreth 380 mjete ajrore sulmuese u lëshuan mbi dhjetëra qytete, përfshirë edhe Pavlohrad në rajonin e Dnipropetrovskut, ku raportohen dëme të konsiderueshme.
Ndërkohë në front, trupat ruse po avancojnë me ritme të ngadalta, por shqetësimet po rriten për mundësinë e rrethimit të qytetit të Pokrovsk, në verilindje të vendit.
Në sfond të këtyre zhvillimeve, presidenti amerikan Donald Trump ka vendosur një afat deri më 2 shtator për ndalimin e luftimeve, duke i bërë thirrje Putinit
