Zyra qeveritare e medias në Gaza ka bërë thirrje urgjente për dërgimin e 600 kamionëve me ndihma çdo ditë dhe 250,000 kanaçe me formulë për foshnje në muaj, për të përmbushur nevojat minimale të popullsisë që po përballet me mungesë ushqimi dhe urie.
Në një deklaratë të publikuar në Telegram, autoritetet në Gaza kanë theksuar se zgjidhja e menjëhershme dhe radikale për situatën është thyerja e bllokadës izraelite dhe hapja e kalimeve kufitare pa kushte.
Ndërkohë, Forcat Mbrojtëse të Izraelit (IDF) njoftuan një “pauzë taktike lokale” në operacionet ushtarake në Rripin e Gazës, për të lehtësuar kalimin e ndihmave humanitare për civilët. Pauza do të zgjasë çdo ditë nga ora 10:00 deri në 20:00, deri në një njoftim të mëtejshëm.
