Prefektura e Qarkut Korçë njofton se situata në të gjithë territorin paraqitet e qetë dhe nuk ka raporte për emergjenca civile apo zjarre aktive.
Zjarri në Parkun Kombëtar të Prespës, në bashkinë Pustec, është neutralizuar plotësisht, ndërsa janë shuar edhe vatrat e tjera të zjarrit që shpërthyen më herët në zona të ndryshme të qarkut.
Strukturat përgjegjëse, përfshirë shërbimet zjarrfikëse dhe ato të pyjores, vazhdojnë monitorimin e zonave të prekura për të garantuar sigurinë e banorëve dhe ruajtjen e mjedisit.
