Nëse kalojnë turin e tretë kualifikues, Egnatia dhe Dinamo City kanë mësuar kundërshtarët që i presin në fazën “play-off” të UEFA Conference League.
Kampionët e Shqipërisë, Egnatia, nëse eliminojnë Olimpija Ljubljanën, do të përballen me fituesin e çiftit Lincoln Red Imps (Gjibraltar) – Noah (Armeni), një short relativisht i lehtë në letër.
Ndërkohë, Dinamo City e Ilir Dajës, nëse arrin të mposhtë Hajduk Splitin, do të përballet me fituesin e ndeshjes Jagiellonia (Poloni) – Silkeborg (Danimarkë), sfidë më e vështirë për shkak të forcës së rivalëve të mundshëm.
Ndeshjet e “play-off”-it do të luhen më 21 dhe 28 gusht 2025.
