Për të gjithë ata që menduan se telenovela “Jashari” kishte marrë fund, duket se po nis një kapitull i ri.
Sipas raportimeve nga Italia, Milani dhe Club Brugge janë shumë pranë një marrëveshjeje për Ardon Jasharin, një emër që është përfolur prej më shumë se një muaji si objektiv i kuqezinjve.
Ajo që bie në sy është se oferta financiare mbetet e njëjtë 33.5 milionë euro plus bonuse që shkojnë deri në 38 milionë por këtë herë janë ndryshuar termat e pagesës: nga pesë në katër vite.
Aktualisht po diskutohen detajet e fundit dhe thuhet se lojtari ka arritur një akord për një kontratë pesëvjeçare.
