Kryetari i Lidhjes Demokratike të Kosovës Lumir Abdixhiku ka takuar sot ambasadorin e Mbretërisë së Bashkuar në Kosovë, Jonathan Hargreaves. Gjatë takimit ata kanë diskutuar për zhvillimet e fundit politike në vend, me fokus të veçantë në vendimin e Gjykatës Kushtetuese lidhur me situatën në Kuvendin e Kosovës.
Abxhiku ka thënë se qëndrimi i LDK-së për këtë çështje ka qenë i palëkundur dhe se vendimi i Gjykatës përbën një fitore të madhe për demokracinë dhe Republikën e Kosovës.
“Ky vendim konfirmon plotësisht të drejtën e kërkesës dhe lëndës që ne e kemi dorëzuar si LDK – dhe përforcon qëndrimin tonë të qartë, të mbajtur që nga dita e parë: se demokracia nuk mund të shtypet, e Kushtetuta nuk mund të shkelet,” ka shprehur Abdixhiku.
