Në të gjitha bashkitë e vendit vijon aksioni i lirimit të hapësirave publike të zaptuara nga subjektet private, si pjesë e nismës që paraprin vizionin e qeverisë për Rilindjen Urbane 2.0.
Kryeministri Edi Rama ndau pamje nga ndërhyrjet në Durrës, ku po çmontohet strukturat e vendosura në shkelje, duke theksuar: “Durrës, ecim”.
Kjo iniciativë, që nisi në korrik, synon përmirësimin e cilësisë së jetës komunitare dhe zgjerimin e hapësirave të gjelbra në qytete.
Gjithashtu, po përgatitet një Rregullore Kombëtare që do të rregullojë ligjërisht përdorimin e hapësirave nga bizneset, duke siguruar standarde kombëtare në shërbim dhe mikpritje.
