OSHEE njofton se ka pasur probleme me furnizimin me energji elektrike, kryesisht në zonat rurale ku linjat ajrore janë të gjatë dhe të ekspozuara ndaj kushteve të motit të keq.
Zonat më të prekura janë Lushnja, Kuçova dhe Vlora.
Për shkak të motit të keq punonjësit e OSHEE janë të pranishëm në terren, por nuk mund të ndërhyjnë për riparime deri sa kushte të përmirësohen.
Nënstacionet dhe linjat 35 KV janë në funksion të plotë, ashtu si dhe rrjeti që furnizon hidrovoret, duke garantuar furnizimin e vazhdueshëm në këto struktura.
