Ish-Presidenti Ilir Meta i akuzuar për korrupsion pasiv, falsifikim dhe pastrim parash, ka kërkuar zëvendësimin e masës së sigurimit personal “arrest me burg”.
Seanca e gjykimit në Apelin e Posaçëm për Korrupsionin dhe Krimin e Organizuar është caktuar të mbahet më 8 shtator, në orën 10:00.
Kërkesa e Metës lidhet me ankimimin ndaj vendimit të Gjykatës së Posaçme të Shkallës së Parë, që kishte caktuar masën e arrestit me burg.
Gjykata ka bërë me dije se mungesa e të pandehurit pa arsye të justifikuara mund të sjellë caktimin e mbrojtësit kryesor nga gjykata.
