Forcat Mbrojtëse të Izraelit (IDF) kanë goditur një ndërtesë 12-katëshe në Qytetin e Gazës, të cilën, sipas tyre, Hamasi e kishte kthyer në një strukturë për qëllime ushtarake.
Në deklaratën zyrtare IDF thotë se ndërtesa e njohur si “Kulla e Mushtaha” përmbante një tunel nëntokësor të përdorur nga militantët për të kryer prita kundër trupave izraelite dhe për të ikur nga zona.
Sipas IDF-së, sulmit i paraprinë paralajmërime për civilët, përdorimi i municioneve precize dhe vëzhgimi ajror me qëllim shmangien e viktimave në popullatë.
Mediat ndërkombëtare, përfshirë Al Jazeera, raportojnë për civilë të plagosur që janë dërguar në spitalin al-Shifa për trajtim. Ndërtesa e goditur ishte një nga më të lartat në qytet.
