Presidenti amerikan Donald Trump ka dalë me një propozim të ri për një marrëveshje gjithëpërfshirëse që mund t’i japë fund luftës në Gaza. Sipas mediave ndërkombëtare, plani parashikon lirimin e të gjithë pengjeve si të gjallë, ashtu edhe të vdekur – që në ditën e parë të marrëveshjes.
Në këmbim, do të lirohen mijëra të burgosur palestinezë, përfshirë edhe qindra të dënuar për terrorizëm.
Izraeli raportohet se është i gatshëm ta pranojë këtë marrëveshje dhe është duke e shqyrtuar seriozisht.
Nëse plani kalon, Izraeli do të ndalojë menjëherë operacionin e tij në Qytetin e Gazës. Ndërkohë, vetë Trump ka deklaruar se do të udhëheqë drejtpërdrejt negociatat, me shpresën për të arritur një zgjidhje përfundimtare.
Nga ana tjetër, Hamasi ende nuk ka dhënë një përgjigje zyrtare, edhe pse presioni ndërkombëtar po rritet. Armiqësitë do të mbeten të pezulluara gjatë gjithë kohës që zhvillohen negociatat.
