Një aksident rrugor ndodhi mëngjesin e sotëm rreth orës 08:00 në aksin “Kakavije–Gjirokastër”, në vendin e njohur si “Ish-SMT”.
Automjeti që drejtohej nga K. F., 63 vjeç, banues në Dropull, u përplas me një motor të drejtuar nga F. K., 43 vjeç, nga Lazarati.
Si pasojë, F. K. u dëmtua dhe ndodhet nën kujdesin e mjekëve në Spitalin Rajonal të Gjirokastrës, jashtë rrezikut për jetën. K. F. është shoqëruar në komisariat për veprime të mëtejshme, ndërsa hetimet për zbardhjen e rrethanave vijojnë.
