Papa Leoni XIV në sheshin e Shën Pjetrit ka kujtuar fëmijët e prekur nga lufta në Ukrainë, Gaza dhe rajone tjerë të botës.
Papa u shpreh se në Poloni shënohet Dita Kombëtare e Fëmijëve Polakë të viktimave të luftës, një përkujtim simbolik i vuajtjeve të tyre dhe i kontributit të tyre në rindërtimin e vendit pas Luftës së Dytë Botërore.
“Mos harroni në lutjet dhe projektet tuaja humanitare edhe fëmijët e Ukrainës, Gazës dhe të tjera rajone të botës të goditura nga lufta”, shtoi ai.
Papa nënvizoi se çdo thirrje, kur i besohet Zotit, nuk harrohet dhe është një mënyrë për të mos u dorëzuar ndaj cinizmit dhe për të besuar se një botë tjetër është e mundur.
