Kryetari i Partisë Demokratike Sali Berisha mbajti sot një fjalim para grupit të ri parlamentar të partisë, të dalë nga zgjedhjet e 11 majit, ku shpjegoi vendimin për t’u rikthyer në Kuvend.
Ai theksoi rëndësinë e këtij vendimi, duke theksuar se ishte një hap i nevojshëm për të vazhduar përballjen me regjimin e drejtuar nga Edi Ramën, i cili sipas tij, ka instaluar një sistem kontrolli dhe censurë mediatike që dëmton lirinë e shprehjes dhe demokracinë.
“Rama do të ishte i kënaqur nëse ne do të kishim vendosur të mos hyjmë në Parlament. Ky ishte një vendim shumë i vështirë, por i domosdoshëm, dhe mund të kishte pasoja të rënda për opozitën nëse do të kishim zgjedhur ndryshe. Ky është një moment vendimtar për ne,” – theksoi Berisha, duke nënvizuar se prania e opozitës në Kuvend është kyçe për të vazhduar betejën për ndryshime në vend.
