Papa Leo XIV kremtoi ditëlindjen e tij të 70-të këtë të diel në Vatikan, në një atmosferë festive që shënon gjithashtu ditëlindjen e parë që Selia e Shenjtë ka festuar për një Papë në dekada.
Ai mbetet një figurë enigmatike për shumëkënd, ndërsa zbulon gradualisht vizionin e tij për të ardhmen e Kishës Katolike.
Urimet e para i erdhën nga pacientët e vegjël të spitalit pediatrik “Bambino Gesù” në Romë, të cilët i dhuruan vizatime plot dashuri.
Presidenti i Italisë, Sergio Mattarella, i dërgoi gjithashtu një mesazh të ngrohtë, duke shprehur afërsinë e popullit italian me Papën dhe duke vlerësuar rolin e tij për paqen globale.
Në mesazhin e tij, Mattarella theksoi rëndësinë e thirrjeve të Papës në një kohë tensioni ndërkombëtar, duke theksuar se nga të gjitha kontinentet, njerëzit presin me shpresë fjalët dhe veprimet e tij për ndalimin e luftërave dhe ndjekjen e rrugës së dialogut dhe drejtësisë.
