Kombëtarja shqiptare e xhudos është kthyer me katër medalje të fituara nga Kampionati Ballkanik për të rritur. Ky aktivitet u zhvillua në Pejë më datat 13 dhe 14 shtator.
Indrit Çullhaj ka fituar medalje argjendi në kategorinë e peshave -81kg. Ndërsa medalje bronzi u fitua nga Jon Vrenozi në peshat -81 kg dhe Klajdi Bitri në peshat -66 kg, si dhe Kasandra Kovaçi në kategorinë -63 kg për vajza.
Ndërsa Demian Çuni -90 kg dhe Krista Kovaçi -63 kg pavarësisht se nuk u futën në zonën e medaljeve zhvilluan duele shumë të mira, duke kaluar turnin e parë dhe të dytë.
