Policia e Tiranës ka arrestuar një 34-vjeçar dhe ka shpallur në kërkim një tjetër, si dhe ka proceduar pronarin e lokalit. Gjatë operacionit, policia ka kontrolluar një lokalin në rrugën “Mikel Maruli”,i cili ishte kthyer në pikë bastesh sportive.
34-vjeçari Roland Uka u arrestua, teksa po vendoste baste sportive përmes celularit të tij brenda lokalit. Ndërsa E. P. (T.), 32 vjeç, u shpall në kërkim, pasi në një çantë të lënë në ambientet e lokalit u gjet një sasi lënde narkotike. Ndërsa I. K., 32 vjeç, pronari i lokalit, po procedohet penalisht në gjendje të lirë.
Gjatë kontrollit, efektivët sekuestruan një sasi kokainë, një celular, me të cilin kryheshin bastet sportive dhe disa mjete identifikimi, të cilat janë nën verifikim. Ndërsa materialet procedurale i janë referuar Prokurorisë së Tiranës për veprime të mëtejshme.
