Kreu i Partisë Demokratie, Sali Berisha zhvilloi një mbledhje me grupin parlamentar. Berisha gjatë fjalës së tij u shpreh se beteja e tyre do të vazhdojë deri në fund të së vërtetës.
“Beteja jonë kundër narkoshtetit hyn në një fazë të re. Se për fat të mirë të shqiptarëve dhe botës, në betejën kundër karteleve është hapur një kapitull i ri. Kartelet e drogës janë shpallur organizata terroriste ndaj dhe tani flitet për narkoterroristë, narkoterroristët dhe se cila është forca e narkoterroristëve të drejtuar nga Edi Rama atë e di më mirë se kushdo tjetër tregjet e kokainës në Europë, çmimin e të cilës e përcaktojnë narkokartelet terroriste shqiptare”, tha Berisha.
