Presidenti i SHBA-së, Donald Trump, e përshkroi marrëveshjen për të dhënë fund luftës në Gaza si “suksesin më të madh diplomatik” të tij si president.
Në një intervistë me mediat izraelite, ai tha se lufta ka përfunduar dhe shprehu besimin se Hamasi do ta respektojë marrëveshjen e arritur.
Trump e cilësoi këtë ditë si “të mrekullueshme” dhe tha se nuk kishte parë kurrë një ditë të tillë më parë.
Ai pritet të flasë edhe në parlamentin izraelit, Knesset, për këtë çështje.
