Kreu i SPAK, Altin Dumani kërkoi para deputetëve që t’u jepet mundësia prokurorëve për një mandat të dytë. Tha se nëse realizohet diçka e tillë, ai vetë nuk do të rikandidojë për të qenë prokuror i Prokurorisë së Posaçme kundër Korrupsionit dhe Krimit të Organizuar.
“Është zgjedhje e imja. E kam bërë këtë marrëveshje me veten time, që kur kam aplikuar për të qenë prokuror i posaçëm. Unë flas në emër të institucionit. Nuk kemi aq shumë burime njerëzore, sa të zëvendësojmë këto prokurorë. Njëmbëdhjetë prokurorë në një vit, është e pamundur t’i zëvendësosh”, tha ai.
Dumani zbuloi se nga kush kërcënohen prokurorët. “Së pari doja të veçoja presionin e jashtëm, nga faktorë politikë, mediatikë dhe krimi i organizuar, gjë që rrezikon integritetin institucional dhe të prokurorëve”, u shpreh ai.
