Një 23-vjeçar shqiptar, i identifikuar si Hekuran Cumani, është gjetur i pajetë në parkingun e Universitetit të Matematikës në Perugia, Itali.
Sipas mediave italiane, i riu u godit me thikë në gjoks pas një sherri mes dy grupeve të të rinjve, rreth orës 2 të mëngjesit.
Cumani kishte shkuar në qytet me disa miq nga Fabriano dhe pas vizitës në disa lokale, konflikti ndodhi pranë klubit “100Dieci”.
Policia po heton shkaqet e përplasjes dhe po kontrollon kamerat e sigurisë për të identifikuar autorët. Një nga pistat e hetimit lidhet me një grindje të çastit, por nuk përjashtohet as ndonjë prishje pazari në zonë.
