Kuvendi i Shqipërisë është përfshirë nga debati, pasi shumica socialiste nuk lejon që opozitarët t’i bëjnë pyetje kreut të SPAK-ut, Altin Dumani, por t’ja depozitojnë në sekretari dhe prokurori t’i lexojë vetë dhe më pas të përgjigjet. Por Sali Berisha dhe gjithë opozita e kundërshtojnë. Ish-kryeministri kishte një mesazh direkt edhe për vetë Dumanin që ishte në llozhë pak metra larg tij.
“Natyrisht unë e kuptoj që Ulsiu nuk do që unë të ngrihem dhe të pyes se të kujt janë ato dy kostume që solli Altin Hajri, nuk do që të pyes për çantën Louis Vuitton. Ulziu nuk e përgënjeshtroi kurrë atë që thashë. Asnjëherë, sepse ky në vend ta zhveshë dhe t’i hedhë kostume në kosh i fsheh dosjen.
Ky tjetri nuk do që ta pyes për bisedat me Mario Çelën. Për dëshminë e Eriona Daupajt. As ai nnuk do se edhe ai fle mbi dosjet e krimit. Dhe ju bëni një gabim historik nëse i hiqni deputetëve të drejtën për të pyetur” tha ai.
