Një 20-vjeçare nga Indonezia, e identifikuar si Ayu Putri, ka braktisur foshnjën e saj të porsalindur në një banesë me qira në Tiranë, ku jetonte me shoqet e saj.
Ayu kishte ardhur në Shqipëri katër muaj më parë dhe punonte pastruese në lokale. Në kohën e ardhjes ishte shtatzënë pesë muaj dhe pas lindjes, për shkak të stresit, la foshnjën e braktisur në banesë.
Shoqet e saj njoftuan pronarin dhe policinë. Foshnja u dërgua në spital dhe është në gjendje të mirë shëndetësore. Nën hetim për ngjarjen mbeten Ayu Putri dhe katër shoqet e saj për moskallëzim të krimit.
