Një 46-vjeçar është arrestuar nga policia e Durrësit, pasi akuzohet se ka kanosur me armë një specialist të Policisë së zonës.
Sipas njoftimit zyrtar, i ndaluari me inicialet L. Sh., banues në fshatin Katund Sukth, ka zbritur nga automjeti sapo ka parë punonjësin e policisë me shërbim dhe e ka kërcënuar me një armë sportive, të cilën e mbante pa leje.
Menjëherë pas ngjarjes, shërbimet e Patrullës së Përgjithshme kanë ndërhyrë në vendngjarje dhe kanë bërë të mundur arrestimin e tij në flagrancë.
Nga verifikimet rezultoi se 46-vjeçari drejtonte automjetin në gjendje të dehur, ndërsa arma dhe mjeti janë sekuetruar.
Materialet procedurale janë referuar në prokurorinë e Durrësit për veprime të mëtejshme ligjore.
