Nuk ishte vdekje natyrale. Policia ka zbardhur ngjarjen e ndodhur disa ditë më parë në Durrës, ku një 59-vjeçar humbi jetën. 42-vjeçari është konfliktuar me 59-vjeçarin dhe më pas e ka goditur me grushte.
Si pasojë 59-vjeçari ka humbur ndjenjat, ka rënë në asfalt dhe më pas ka humbur jetën. 42-vjeçari u arrestua si autor i dyshuar për vrasje nga pakujdesia.
Fillimisht ngjarja u raportua se ka humbur jetën për shkaqe natyrale, por pas dyshimeve të krijuara dhe nga tërësia e veprimeve hetimore të kryera, nën drejtimin e Prokurorisë, rezultoi se nuk ka humbur jetën si pasojë e arrestit kardiak.
