Kryetari i Partisë Demokratike, Sali Berisha, ka publikuar në rrjetet sociale pjesë nga dosja hetimore e SPAK ndaj ministres së Infrastrukturës, Belinda Balluku, e cila është marrë e pandehur për shkelje në tenderin e tunelit të Llogarasë.
Në dokumentet e publikuara përfshihen biseda përmes aplikacionit “Signal” mes Ballukut dhe ish-kreut të ARRSH-së, Evis Berberi, ku ata diskutojnë për vlerësimin e ofertave dhe momentin e publikimit të fituesit të tenderit.
Në një nga mesazhet, Balluku i shkruan Berberit: “Prit t’i çoj fjalën atij krvës që kërcënon me SMS”*, para se tenderi të shpallej publik.
SPAK po heton dy zyrtarët për dyshime për abuzim me detyrën dhe parregullsi në procedurat e tenderimit, ndërsa publikimi i Berishës ka shkaktuar reagime të forta politike.
Projekti i tunelit të Llogarasë ka një vlerë prej rreth 150 milionë euro dhe është një nga investimet më të mëdha publike të viteve të fundit.
