Policia e Kosovës ka arrestuar të dyshuarin për vrasjen e dy vëllezërve dje në fshatin Golluboc të Malishevës. Astrit Isufi është arrestuar sot rreth orës 06:30, ndërsa gjatë arrestimit ai ka qenë i plagosur.
Kjo u bë e ditur nga Prokuroria në Gjakovë. “Prokuroria Themelore në Gjakovë, njofton opinionin publik, se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar Astrit Isufi i cili më parë kishte qenë në arrati. Lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme”, thuhet në njoftim.
