Më 13 nëntor, Kombëtarja shqiptare do të përballet me Andorrën në një ndeshje të rëndësishme për Grupin K kualifikues të Kupës së Botës 2026.
Një fitore e kuqezinjve, në kombinim me një humbje të Serbisë ndaj Anglisë, do t’i siguronte Shqipërisë një vend në play-off.
Ekipi është grumbulluar në Barcelonë për përgatitjet e fundit, ndërsa disa lojtarë si Thomas Strakosha, Nedim Bajrami dhe Mirlind Daku iu bashkuan më vonë ekipit.
Berat Gjimshiti dhe Ivan Balliu po stërviten në mënyrë të veçantë për të shmangur mbingarkesën.
Pas ndeshjes me Andorrën, më 16 nëntor në Tiranë pritet Anglia, sfidë që mbyll këtë cikël kualifikimesh dhe ku pritshmëritë për kuqezinjtë janë të larta.
