Guvernatori i Bankës së Shqipërisë, Gent Sejko, hapi sot konferencën për të shënuar 100-vjetorin e krijimit të bankës qendrore.
Në këtë aktivitet marrin pjesë ekspertë vendas dhe të huaj, ndërsa i pranishëm është edhe kryeministri Edi Rama.
Gjatë fjalës së tij, Sejko theksoi, “Ky jubile na jep mundësinë të reflektojmë mbi një shekull përpjekjesh dhe arritjesh që kanë forcuar stabilitetin ekonomik të vendit.”
Ai prezantoi gjithashtu një monedhë të re për këtë rast dhe bëri një bilanc të zhvillimeve ekonomike të tre dekadave të fundit, duke përmendur rritjen e të ardhurave për frymë, inflacionin e qëndrueshëm dhe zgjerimin e kredisë për sektorin privat.
Sejko shtoi: Banka e Shqipërisë do të vazhdojë të kontribuojë për stabilitetin financiar dhe zhvillimin e ekonomisë, duke ruajtur besimin e qytetarëve dhe investitorëve.
