Michael Durkee, ish-këshilltar politik i gjeneralit Wesley Clark dhe dëshmitar në Gjykatën Speciale, po vazhdon dëshminë e tij mbi takimet me udhëheqësit e UÇK-së.
Gjatë seancës së djeshme, Durkee konfirmoi se ka takuar personalisht Hashim Thaçin dhe Jakup Krasniqin, ndërsa emrat e tjerë të delegacionit si Ramë Buja, Xhavit Haliti, Azem Syla dhe të tjerë i kishte vetëm të dëgjuar, jo të takuar.
Ai sqaroi se qëllimi i takimit ishte që gjenerali Clark të kuptonte synimet politike dhe kapacitetet ushtarake të UÇK-së, pasi çdo komandant duhet të dijë mjedisin politik dhe ushtarak në terren për të planifikuar operacionet e mundshme.
