Senatorja australiane e ekstremit të djathtë, Pauline Hanson, shkaktoi trazira në Senat duke u paraqitur me hixhab, pasi propozimi i saj për ndalimin e mbulesave islame në hapësira publike u refuzua. Veprimi i saj ndërpreu përkohësisht seancën dhe nxiti reagime të forta nga kolegët myslimanë, të cilët e quajtën gjestin një fyerje ndaj besimit fetar.
Mehreen Faruqi e kritikoi ashpër, duke thënë:“Kjo është një senatore që shfaq racizëm të pastër.”
Ndërsa senatore Fatima Payman e konsideroi veprimin si “të turpshëm”. Hanson, e njohur për qëndrimet e saj kundër imigracionit dhe veshjeve islame, deklaroi më vonë:
“Nëse parlamenti nuk e ndalon, atëherë unë do të mbaj këtë mbulesë koke… për të treguar çdo australiani se çfarë është në rrezik.”
Gesti i saj ka nxitur debate të gjera mbi kufijtë e lirisë fetare dhe sigurinë në hapësirat publike në Australi.
