Një zjarr i madh ka shpërthyer në rafinerinë Viva Oil në Geelong, Victoria, Australi, e cila është një nga dy rafineritë kryesore të vendit, që siguron 10% të karburantit të konsumuar në nivel kombëtar.
Zjarrfikësit janë angazhuar menjëherë, pasi shpërthimi i gazit dhe flakët e mëdha u njoftuan rreth orës 23:15, sipas orës lokale.
Sipas autoriteteve, zjarri ende nuk është shuar plotësisht, por është vënë nën kontroll. Burimet zyrtare kanë bërë të ditur se po digjen gazra të lëngshëm dhe materiale të tjera, por fatmirësisht nuk janë raportuar të lënduar.
Rafineria, e hapur në vitin 1954, mund të procesojë deri në 120,000 fuçi naftë në ditë dhe është një burim kryesor për furnizimin me benzinë, naftë dhe karburante të tjera.
