Familja e artistit Shpat Kasapit ka njoftuar me dhimbje ndarjen e tij të parakohshme nga jeta dhe ka bërë publike detajet e ceremonisë mortore.
Homazhet do të zhvillohen sot në Pallatin e Kulturës në Tetovë, duke nisur nga ora 12:00, ndërsa varrimi do të kryhet në orën 14:00 në varrezat e qytetit.
Në njoftimin e familjarëve, ai përshkruhet si një njeri i mirë, i dashur dhe i përkushtuar, që la pas kujtime të paharrueshme tek të gjithë ata që e kanë njohur.
Të afërmit ftojnë të gjithë miqtë, të njohurit dhe artdashësit të marrin pjesë për t’i dhënë lamtumirën e fundit artistit.
