Kreu i Partisë Demokratike, Sali Berisha, mbajti një fjalim të fuqishëm në Foltoren e radhës, përpara Kryeministrisë, me rastin e Ditës së Rinisë më 8 dhjetor.
Gjatë fjalës, Berisha vlerësoi gjeneratën Z si një pasqyrë të idealizuar të aspiratave njerëzore dhe shoqërore. Ai theksoi se kjo gjeneratë, e cila ka luftuar për liri dhe ndryshim në vende të ndryshme të botës, është tashmë zëri më i fortë për lirinë dhe drejtësinë.
“Këto dy vjet është shkruar dhe folur shumë për gjeneratën Z, gjeneratë që është në krye të betejës për liri dhe demokraci. 35 vjet më parë, studentët shqiptarë, jo më shumë se disa qindra, u ngritën kundër një regjimi që kishte shtypur çdo mundësi për të drejtat e njeriut. Ata firmosën veten si të pamposhtur dhe shpartalluan një diktaturë që ishte më e egra në rajon. Sot, pas 35 vitesh, Shqipëria nuk është më një diktaturë.”
