Në fjalimin e tij para Kryeministrisë, deputeti i PD-së, Igli Cara, ngriti shqetësime për korrupsionin dhe përqendrimin e pushtetit ekonomik në duar të ngushta.
Ai theksoi se është e papranueshme që një zv.kryeministre si Belinda Balluku, e kapur në korrupsion, të mbetet ende në detyrë. Cara e cilësoi situatën si një “rast unik në botë” dhe ngriti pyetje rreth lirisë në Shqipëri, duke akuzuar pushtetin për manipulimin e votës dhe kërcënimin e administratës.
“Sot me të drejtë të gjithë bëjmë pyetjen a jemi vërtet të lirë? A jemi të lirë kur tregu sundohet nga miqtë e Ramës? A jemi të lirë kur pushteti ekonomik i jep pushtet vetëm një grushti njerëzish afër Ramës.
A jemi vërtet të lirë kur vota blihet, kur administrata kërcënohet, kur bandat bëjnë ligjin. A mundet të flasim për liri kur korrupsioni ka arritur në nivele marramendëse dhe kur ministra, zv/ministra, drejtorë, kryetarë bashkish janë dënuar apo janë në radhë për burg.”
