Pas 40 ditësh në burg, Alti Nallbati, Marsel Buçi dhe Trajan Çeliku janë liruar nga burgu i Drenovës, pasi gjykata ndryshoi masën e sigurisë në “arrest shtëpie”.
Ata akuzohen për rrëmbimin dhe dhunimin e 32-vjeçarit Ilir Topçiu në Bilisht, ngjarje që tronditi opinionin publik.
Nallbati dhe Çeliku përballen me akuzat për “heqje të paligjshme të lirisë” dhe “kanosje”, ndërsa Buçi edhe për “plagosje të lehtë me dashje”. Hetimet vijojnë.
