Manchester City gaboi duke u ndalur në shtëpi nga Chelsea. Skuadra e Pep Guardiolës barazoi 1-1 ndaj “Bluve” të Londrës.
Vendasit kaluan të parët në avantazh me Reijnders, por Chelsea reagoi në pjesën e dytë, ku Enzo Fernández realizoi golin e barazimit.
Me këtë barazim, City renditet në vendin e dytë me 42 pikë, plot 6 pikë larg Arsenalit, që kryeson kampionatin.
Vedat Muriqi e nisi vitin 2026 duke shënuar gol. Sulmuesi i Kosovës la gjurmën e tij me skuadrën e Mallorcës në ndeshjen e saj të parë për vitin e ri në kampionatin spanjoll, por për fat të keq nuk i shërbeu skuadrës së tij në përballjen me Gironën.
Mallorca nuk mundi dot të evitojë humbjen në fushën ndaj skuadrës katalanase me rezultatin 2-1, një rezultat ky që ndez luftën për mbijetesë në Ligën Spanjolle.
