Marcus Rashford pritet të vazhdojë aventurën e tij te Barcelona edhe pas përfundimit të këtij sezoni. Sipas mediave spanjolle, klubi katalanas ka vendosur të mbajë sulmuesin anglez, pavarësisht performancave me luhatje, duke vlerësuar kontributin e tij në gola dhe asist.
Rashford gëzon besimin e trajnerit Hansi Flick dhe shihet si pjesë e rëndësishme e projektit të skuadrës.
Ndryshimet e fundit te Manchester United nuk kanë ndikuar në planet e lojtarit, i cili është i vendosur të qëndrojë në Katalonjë.
Barcelona ka opsionin për ta blerë kartonin e tij për 30 milionë euro në fund të sezonit, ndërsa nuk përjashtohet edhe një negociatë e re mes dy klubeve.
