Qeveria shqiptare ka bërë publike planet financiare për vitin 2026, duke parashikuar një fond të rëndësishëm për përmirësimin e mbrojtjes civile dhe parandalimin e fatkeqësive natyrore.
Ky investim ka për qëllim të rrisë sigurinë e qytetarëve përballë kërcënimeve natyrore dhe të forcojë masat parandaluese për të minimizuar rreziqet në të ardhmen. Kryeministri Edi Rama njoftoi se fondi total për këto qëllime do të arrijë në 2.8 miliardë lekë.
“Fondet e parashikuara për mbrojtjen civile synojnë rritjen e sigurisë përballë fatkeqësive natyrore, garantimin e kompensimit për qytetarët e prekur, si dhe forcimin e masave parandaluese për reduktimin e rreziqeve në të ardhmen.”
