Njësitë për Hetimin e Krimeve të Rënda kanë ekzekutuar urdhrin e prokurorisë për ndalimin e K. C., i shpallur në kërkim për veprat penale “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
27-vjeçari, i njohur gjithashtu me emrat K. S. dhe K. L., u arrestua pas një periudhe kërkimi.
Më 2 gusht 2025, ai dyshohet se ka qëlluar me armë zjarri ndaj J. A. në rrugën “Thoma Filipeu” në zonën e Freskut, duke e plagosur rëndë.
Pas hetimeve intensive, autori është kapur dhe do t’i nënshtrohet procedurave ligjore për akuzat që po i ngarkohen.
