Në përvjetorin e 15-të të ngjarjeve tragjike të 21 janarit, kreu i Partisë Demokratike, Sali Berisha, ka hedhur akuza të forta ndaj kryeministrit Edi Rama dhe ka ripërsëritur qëndrimin e tij lidhur me protestën që përfundoi me katër viktima.
Ai e ka cilësuar ngjarjen si një protestë të dhunshme të organizuar me një axhendë politike të qartë dhe ka akuzuar Ramën për përfshirjen në manipulimin e dokumenteve dhe falsifikimin e ngjarjes.
“Rama është përgjegjës kryesor për falsifikimin e dokumentit dhe për thirrjen e një proteste të dhunshme me axhendë të caktuar. I është kërkuar atij zgjidhje politike me kërcënimin se ‘do të kalohej mbi kufoma’,” deklaroi Berisha, duke theksuar se edhe pse mund të ketë pasur thirrje të ndryshme për protestën, përgjegjësia finale qëndron te kryeministri, i cili, sipas tij, ka manipuluar dhe përdorur dhunën për të mbrojtur pushtetin e tij.
