Pandeli Majko, ish-kryeministër i Shqipërisë, ka reaguar ashpër ndaj procesit gjyqësor në Gjykatën Speciale në Hagë, duke e cilësuar atë si një tentativë për të deformuar historinë e Luftës së Kosovës.
Në një postim të tij në rrjetet sociale, Majko theksoi se ky proces po fyen aksionin e Perëndimit në mbështetje të shqiptarëve dhe po e kthen në të pavlerë angazhimin ndërkombëtar përballë krimeve të kryera nga regjimi serb.
“Ky proces i deformuar në Hagë, po justifikon dhe amniston protagonistin dhe drejtuesin shtetëror serb, Sllobodan Milosheviç të akuzuar për krime lufte në Kosovë!” – shkruan ai në postimin e tij, duke shtuar se “mbas këtij procesi, mbetet që gjykata të vlerësojë edhe dëmin që Kosova duhet t’i paguajë Serbisë!… Turp!”.
