Sot, 7 të miturit e arrestuar pas protestës së 10 shkurtit të organizuar nga Partia Demokratike do të dalin përpara Gjykatës së Tiranës për të mësuar masën e sigurisë.
Ata akuzohen për “Goditje për shkak të detyrës”, “Plagosje të rëndë me dashje”, “Shkatërrim prone me zjarr”, dhe “Kundërshtim të punonjësve të rendit”.
Protesta e datës 10 shkurt, si edhe të tjerat të organizuara nga PD, u karakterizuan nga dhuna ndaj forcave të rendit dhe shkatërrimi i disa godinave shtetërore.
Policia ka arrestuar gjithsej 21 persona, shumica e të cilëve kanë precedent penal për dhunë në protestat e mëparshme të kësaj partie.
