Zv.kryeministrja Albana Koçiu zhvilloi një takim me banorët e pallatit 12-katësh, të cilët përjetuan një zjarr masiv që shkatërroi shumë apartamente.
Gjatë këtij takimi, Koçiu foli për procesin e rindërtimit dhe për sfidat që duhet të kalohen deri në zgjidhjen e plotë të situatës.
Ajo theksoi rëndësinë e hetimeve që ende janë në vazhdim dhe bëri të ditur se nuk mund të japin afate për përfundimin e rindërtimit për momentin.
“Nuk mund të jap dot afate për mbylljen e punimeve, pasi ende nuk është përfunduar hetimi. Askush nuk po neglizhon, po punojmë për ta zgjidhur situatën sa më shpejt. Ne duhet të kuptojmë shkakun e zjarrit, pasi mund të ketë edhe përgjegjës,” u shpreh Koçiu gjatë takimit.
